Eta, atxikimendurako naturaltasun horretan, nago, sarritan ez ote ditugun okupatu emakumeei zegozkien denborak eta espazioak ere; "borondate onez", hori bai. Nolanahi ere, bekatu arina litzateke hori, baldin eta benetan gure presentzia eskatzen denerako prest egonez gero.
Azaroaren 30a da eguna. Euskal Herriko Mugimendu Feministak greba orokorrerako deia egina du, eta, iragan urteetako mobilizazio deiekin alderatuta, datorren honetan bada jauzi esanguratsu bat: gizartearen luze-zabalari egiten baitzaio mobilizaziorako deia. Zaintzaren garrantzia erdigunera ekarri, zaintzaren aitortza soziala, politikoa eta ekonomikoa helburu; ez baita bizitzarik zaintzarik gabe. Hori horrela, garaia da agenda politikoetan duen tokia egin eta behingoz politika publiko ausartak aurrera eramateko.
