Sexu askatasuna

Erabiltzailearen aurpegia

Sexu Askatasuna Bermatzeko Legea indarrean sartu berritan, zalaparta sortu du hainbat delitu egilek jarritako helegiteen ondorioz jasotako zigorra murriztu izanak.

Errealitate hau inolaz ere gutxietsi gabe, mingarria delako, ez genuke bistaz galdu behar lege berriaren izpiritua zein den. Zigorrak ez ezik, prebentzioak duen garrantzia. Sexu indarkerien atzean ezkutatzen diren egitura patriarkal ikusezin horiek. Zenbat biktimaren garrasia ez ote da ito epaitegietan, onespenaren putzu lokaztuan. Onespena? Bizia galtzeko beldur sarritan, askotariko menpekotasunengatik besteetan…

Zer esanik ez emakume migratzaileen kasuan, emakume izateaz gain, beraien egoerak oraindik eta zaurgarriago egiten dituen intersekzio horretan. Adin txikikoek jasaten duten sexu indarkeria ere hor dago. Erabateko menpekotasuna baliatuz isil-isilik egin izan direnak.

Sarritan gertatu ohi den bezala, ilargiari begiratu ordez, ilargia erakusten digun hatzari begira geratu dira asko. Orain arte izenik ez zuten delituei izena jarri zaie, eta ez da gutxi.

Azaroak 25 ditu gaur. Biolentzia matxista jasan duten guztiak gogoan, poliki-poliki bada ere, bagoaz bidea egiten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.