Baina nago okindegi bat ixten denean zerbait badela zirrara hori areagotzen duena. Zer ote? Ogia delako? Egunerokoa delako? Duen sinbolismo guztiagatik? Eguneroko ogia; Besapean ogia dakarren umea; Ogiaren eta arrainen miraria... Etimologiari erreparatuz gero ere ikusiko dugu gaztelerazko pan horrek grezieran duela jatorria; hitz horrek, aipatu hizkuntzan, guztia esan nahi duela.
Arrazoiak arrazoi, kontua da gurean ere belaunaldi ezberdinek ezagutu dituzten okindegi kuttun askoak badoazela pertsiana ixten. Asteon jakin dut nik, harakinarenean, ilaran zain nengoela, bezero batek okindegia ixtekotan direla harakinari esan dionean. Harakinaren erantzuna eskuan zeraman aiztoa bezain zorrotza izan da: "Geuk horrela nahi dugulako".
Entzundakoa da, eta, azkenean, horrela bada, Mikeleri eta bere etxekoei, egindako lanagatik herritar gisa, esker ona adierazi besterik ez.
