Saiatuko naiz, nire muga guztiekin, iritzi bat ematen gai bat edo besteren inguruan. Politika, ekonomia, hezkuntza... eta ohiko bizitzako gai arruntak ditut maite. Pertsonak, inguratzen gaituzten pertsonaia anonimo horiek maite ditut. Zenbait kasutan, biografia eder askoak belaunaldien arteko ahanzturan amilduak.
Sinisten dut politikan, hitzetan, baina, batez ere, ekintzetan. Gero eta gehiago nekatzen nau zaratak, bere adiera zabalenean. Nahiago dut askatzeko ditugun mila korapilo txikien inguruan jardun, nekez askatuko dugun korapilo handi horretaz baino. Bestalde, iruditzen zait konfort eremuetatik kanpo gertatu ohi direla gauza interesgarriak. Eta, noski, guztiok ditugu gure konfort eremuak.
Hauxe, ba, nire lehen Azken berba.
