Bi hitzok entzun orduko sentitu da inguruan ke eta asfalto kiratsa. Enpresa eraikitzaileen bulegoetan eskuak igurzten dituzte, milioika euroko gainkostuak kalkulatu ahala. Kaskoak egunero janzten dituzten langileek lan prekario eta arriskutsua segurtatuta dute aldi baterako. Telebistako berri emaileek eraikuntzaren hil ala biziko garrantzia azpimarratzen dute. Inguruko baserritarrek nostalgiaz begiratzen dute leihotik. Hormigoi gogorrak hartuko du orbel leunaren lekua. Azkonarrak bere zuloa beste mendi batean egiteko proiektua hasi du. Ospitale, ikastetxe eta aterpeetan –besteak beste– ez da ezer aldatuko.
Proiektu estrategikoa omen... Bizi ditugun garai eta penetan AHTa bezalako proiektu batekin aurrera egiteak ez dio inongo estrategiari erantzuten, ordea.
