Kasualitatez edo, burua altxatu du bere GPS erlojutik eta ingurura begira geratu da. Ia kolpean, erlojuko segundoak, desnibela eta denak ahaztu ditu. Zorioneko kasualitatea.
Orduan deskubritu du beti hor egon dena. Basoak, larreak... berdea berdearen atzetik. Arkaitz erraldoiak, isiltasunaren zaindari. Pago zahar bat, haizeak haize zutik dirauena. Eguzkiak zeru ertzean arratsaldero ematen duen espektakulua ikustera ere geratu da korrikalaria. Bitartean, GPSaren denbora aurrera, motel bezain goxo.
Etxeratzean bikotekideak betiko galdera: "Zer moduz entrenamendua?". Denbora edo bihotz maiztasun datuen inguruko iruzkinen bat espero zuen. Baina erantzuna ez da betikoa izan: "Zoragarri, iluntze benetan polita geratu da!".
