Honekin lotuta, bertsolari etiketa daukagunok sarritan bizi izan dugu antzerako egoerarik: bertso bat botatzeko eskatzen digute. Gehienetan ordu txikitan, atzetik musika burrundaka daukagula. Gainera, bertso saiorik sekula ikusi ez duen norbaitek eskatuko dizu gehienetan, Xenpelar eta Xabier Silbeira bereizten ez dituen norbait bestela… Bertsorik ez dute entzun nahi, ikusi nahi dutena da beraientzat arrotza eta irrigarria den zerbait, xelebrekeria bat.
Beraz, barkatuko didazue baina, lerro hauek baliatu nahiko nituzke eskaera hauei ezezko borobil eta aldez aurreko bat emateko. Ezezkoa, bertso bat entzun beharrean xelebrekeria ikusi nahi duenari. Lehenago ikusiko nauzue belarriak mugitzen.
