Hasierako asmoa San Martin plazan egitea bazen ere, eguraldiaren bilakaera zela-eta Udal Pilotalekuan eskaintzea erabaki genuen antolatzaileek, horrek dakarren aldaketa eta egokitzapen lan guztiarekin.
Guztira, 32 komertzio eta 129 modelo izan dira, eta horren atzean hamalau pertsonako lantalde bat, sei hilabetetan zehar antolaketa guztian buru-belarri aritu dena.
Denak, noski, boluntarioak izan dira, Bergarako komertzioa berpiztea bideragarria dela sinistuta eta asmo horretan saiatzen.
Ilusio handiz, eguna heldu eta 20:00etan entsegu orokorra egin zen; barruan zegoen publikoa errespetatu egin zen, eta ateak itxi egin ziren.
Entsegu amaieran, berriz, Udal Pilotalekuan zegoen publikoari kalera ateratzeko gonbidapena egin zitzaion, eta irten ez ziren guztiei banan-banan ateratzea eskatu zitzaien.
Pilotaleku barruan honako hauek gelditu ziren:
-Parte hartzen zuten komertzioetako ordezkari arduradunak, beraien modeloei prestaketetan laguntzen (32 + 129 modelo).
-Komertzio antolatzaileen lantaldea (14).
-Dantza taldeko kideak (54).
-Udaletxeko langileak (4).
-Antolatzaileen laguntzaileak (5).
Beraz, 238 pertsona zeuden pilotaleku barruan emanaldi publikoa hasi aurretik.
Udal Pilotalekuak aforo mugatua du segurtasun-kontuak direla medio; beraz, kopuruak errespetatzea derrigorra da.
Aforo baimendua zaindu nahian, ekitaldia ikusi ahal izateko sarrerak banatu ziren, guztiak agortu arte.
Horiek dira eman ditzakegun azalpenak.
----------
Maribi Berraondo
(Bedelkar elkarteko presidentea)
Bergara
