... baina batez ere harro sentitu naiz!
Emakume Txokoan Argazkia espresio bide ikastaroa egin duten neskek prestatu duten erakusketarekin, egin duten lanarekin, proposatzen dizkiguten erantzunekin eta ageri duten grinarekin topo egin dut. Ona!
Bi hilabetez aritu dira biolentzia sexistaren inguruko hausnarketak egiten, biolentzia horiek emakumeongan duten eraginez, biolentzia sexisten erak eta moduak aztertzen eta batez ere eman beharreko erantzunei erreparatzen. Biolentzia mota bakarra ez dagoela ondorioztatu eta inork egiten ez duen ahozko biolentzia sexistan –baina emakume guztiok pairatzen dugun horretan– zentratu dira.
Argazkigintza baliatu dute kalean egiten diren ahozko eraso sexistei aurre egiteko eta erantzun sorta hauxe da, besteak beste: Nire askatasunak beldurtzen zaitu?; Tente? Neure Burua!; Ez naiz zuretzat, niretzat baizik!, Nork eskatu du zure iritzia?, Hain polita eta mutil-lagunik gabe? Bai, eta zu zirkorik gabeko pailazoa?; Eta zure amari esango zenioke?; Houston, Houston… arazo bat daukazu!...
Argi dute ez diotela indarkeria sexistari indarkeriaz erantzun nahi.Hori bai, indarkeria sexistari erantzun indartsua eman nahi izan diote.
Gora zuek!
