'Puntua'

Erabiltzailearen aurpegia

Aldaketa-oharrarekin dator aste honetan (ere) asteleheneko GOIENA:  datorren urtarrilaren 16tik aurrera asteleheneko GOIENAren lekuan Puntua kaleratuko da eta GOIENArekin batera iritsiko da gure etxeetara, egubakoitz batean bai eta hurrengoan ere bai, puntual-puntual.

Asteleheneko GOIENAren puntu eta jarraia izango da Puntua.

Ez dago gaurik goizaren ondorena gaberik, ez iretargi-aldirik zazpi egunetik hara luzatuko denik; momia ez den oro aldatu egiten dela dio poetak; horrenbestez, astelehenean hasitako lan-astearen buruan egubakoitza nola,  halaxe Asteleheneko GOIENAren jarraipenean ere Puntua, ziber-eremuetan puntu eus atsegin beteko markarekin aurkituko duguna, eta Debaren Goeneko berriak lau puntu kardinaletara zabalduko dituena.

Urtarrilaren 16a bihurtuko da abiapuntu; hortik aurrera, hor izango dugu Urkuluko ura edaten dugunok informazio fidagarrirako argi-puntua eta entretenimendurako jo-puntua.

Ongi etorri gure artera, Puntua, eta irakurleon begikotasun eta irakur-min laztanenek eraman dezatela iraupenaren bidean aurrera, irteeraren puntu-puntutik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.