... komunikagailu aurreratuak non, nonzeberri ibili dela han. NSAk, Alemanian, Merkel beraren fono partikularra ere kuxkuxeatu du. Españan, berriz, 2012 eta 2013 bitartean, hilabetean, 60 milioi baino komunikazio gehiago zelatatu ditu.
Merkel sutan dago amerikarrekin: “Lagunak ez dira espiatzen!”, ebaki du erretxindurik; lagunak eta sozioak murrizketen bidez ito egiten dira. Maestra makala da horretan frau Merkel!
Umeek ere badakite teknikak uzten duen mutur-puntaraino iristen dela espioitza, lege guztien gainetik eta debekuen azpitik. Alemaniako kontraespioitza, berriz, non arraio ibili da? Bihar-etzitan, han joango zaizkio Merkeli Amerikako gobernuaren harreman publikoetako ordezkari salauak, lore-sorta eskuan, barkamen-eske.
Eta Españan eginiko entzuketez, zer? Españako entzunketetan bertako espioiak Amerikakoen laguntzan ibili dira! Sinestea ere lana da! Non lurperatu dute Españaren subiranotasun haustezinaren mantra agintari español harroxkoek?
