... hala nola kontserbadorismoa, jendearen arazoez ez ikusiarena egiteko trebetasuna edota neoliberalismo itsuena.
Kanpai-hots neoliberalari erantzuten diote eta interesa enpresentzat baino ez daukate, han ari diren langileez paso eginez, nahiz eta enpresen etekinak saltzeko kontsumitzaileak behar izan. Errukiñak dira, errukiñak direnez, ezinbestean kontsumitzaile ere badiren langileak!
Eta negozio horretan eskuz esku ageri dira Angela eta Mariano. Baina bata nolako, halako da bestea ere, beti? Neoliberalismoak, beste ezeri erreparatu gabe, irabaztea, irabazpideak egitea eta irabazietan irabazle izatea du ikur.
Ondorioz, Merkelek bere planteamendu filoeuropar eta proeropar ei diren guzti-guztiak udazkenean Alemanian izango diren hauteskunde federalak irabazteko dihardu txirikordatzen, eta Raxoiren kezka elektoralak txakurraren salara bialtzen ditu aire ederrenean, Merkeli inporta ere horixe inporta zaiolako Raxoiren etorkizun politikoa: txakurraren putza adina!
