1-Italiako gobernuburu izaniko Berlusconi. Nork ez daki Berlusconik mazo-kirten baten sentsibilitatea duela jendeaz eta haien arazoez? Ba, Italiako gobernua urtetan kudeatu duen Berlusconik jende horrengandik jaso dituen milioika botoei esker izan du ardura hori.
2-Hau ere markakoa da. Espainiako Konstituzioa aldatzeko une egokia eta jendartean kontsentsu ahalik zabalena izatea oinarri-oinarrizkoak zirela entzunak gara hamaikatan. Ba, mundu mundial oso-osoak daki konstituzio horren 2011ko iraileko aldaketa (estatu-defizita barne produktu gordinaren %3an mugatzea) –karikaturari ere berea aitorturik–, Alemaniako kantziler den Merkelek Zapaterori telefonoz ezarritako aldaketa dela.
Eta azkenik, orain esne-bitsetan den Raxoirena ere aipatzekoa da. Raxoiren etsaiak fin-fin aritu dira kanpainan zehar PPk ez duela gobernu-programarik salatzen. Nola kudeatuko du –zioten– gobernu bat programarik gabe? Ba, PPri ere milioika botok eman diote aginte politikoa.
