Horretarako kontrol-uhala aginpidearen zalgurdian aspaldi handian dabilen Alfredo Pérez Rubalcabak du. Eta zer dakar, bada, sozialisten morroiak?
Rubalcabaren eskaintzan daude krisia denon artean ordaintzea, nahiz eta bankuei zergak igotzeko aipamenik egin egin duen; ondarearen zerga berrezartzea; hauteskunde-legea aldatzea; lanik eza dela eta, neurri gehiago hartzea eta, ezetz eta ezetz ari bad(ir)a ere… aseguru sozialean kopagoa ezartzea, hau da, osasun-zerbitzu batzuk bitan ordainaraztea, besteak beste.
Irakurle maite horrek, arrazoiz, programak jantziagoa behar duela iritziko diozu.
Eta krisiaren zoramenetik ihes egiteko Rubalcabaren eskaintzak balio ez badu, zer egin? Espainiako patroi den Santiagori errezatzea dago, adibidez. Eta hark ere huts egiten badu? Orduan PPko Mariano Rajoiren magia-potagiarako gaitasuna geratzen da gozagai. Rajoiren programa politikoaz, baina, ez da notiziarik.
