Maialen, Marina eta Maitane

Erabiltzailearen aurpegia

Wikileaks da, gaur egun, mundu erdiaren amesgaiztoa eta krisia, hiru laurdenaren gaiztoa; Literaturako ikasleen izenak bihurtu zaizkit nire zoroa.

Hara, sasoi batean –gaur ere, dena dela, ez da arraroa– hamaika komeria eginak gara irakasleok izenak aurpegiekin lotzen, gela berean Garcia edo Perez deituren kerizpetan, dozena-erdi Ainhoa, Oihana, Ainara eta Naiara biltzen zitzaizkigunean. Aldi horretan ikusi nuen nik bekokiaren gozagarri nuen flekilloa ere nola joan zitzaidan emigrante.

Bestelako garaiak ziren, ostera, apellido-markarik gabe ere ibiltzeko modukoak, etxe berean, Benita, Leona, Zelestina, Bizenta eta moduko izen ozenak batzen zirenak. O tempora, o mores!

Literaturako hamalaukotean Jesus, Mahats, Irene, Celia, Lorena, Irati, eta Eneritz; bi Maialen, Maitane bi eta hiru Marina, bai, hiru Marina daude zerrendaturik. Zeinek bere deitura du eta enkargu bat: "Niri, mesedez, izenez deitu". Erdiak martxoso hutsak dira; beste erdiak, berritsuak; urteak dituzte hamazazpina eta adarra jotzeko grina sasoia adina. Ora pro nobis, Santa Marina.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.