Eguzkiak zeruan ibilbide berbera egiten duelako esaten zaio horrela. Eta garrantzitsua al da, ba? Zergatik agertu zen albiste hori prentsan? Ba, abuztuaren 12an gertaera berezi bat ikusteko aukera izango dugulako: eguzki eklipse totala. Eta apirilaren 30ak aukera eman digu eguzkia non egongo den ikusteko.
Eklipse-turismoa aspaldiko kontua da. Abadia bera ere ibili izan zen munduan zehar behaketa astronomikoak egiten. 2026korako, toki egokienetako ostatuak aspalditik erreserbatuta daude.
Aretxabaletatik bertatik ere ikusi ahal izango da eklipse osoa, haren itzalak egingo duen ibilbidearen mugan baitago. Arratsaldez izango denez, mendebaldera begiratu beharko dugu eta gauden zulotik gora egin beharko dugu, mendiek ikuspegia estali ez diezaguten. Esate baterako, Urkulu aldetik Untzilla aldera begiratu beharko da.
Eklipse partziala zazpi eta erditan hasiko bada ere, eklipse totala 20:27:35ean hasiko da eta 30 segundo iraungo du. Ea eguraldiak ez digun gertaera zapuzten...