Medikuak aztertu, eta Afrikatik noiz itzulia zen galdetu zion. Gaixoak esan zion ez zela inoiz Afrikan izan. Nola da posible urrunekoa den gaixotasun bat hartzea, bertatik atera gabe? Irunen erosketak egiten ari zela eltxo-tigreak ziztatu zuela jakin zen.
Eltxo-tigrea espezie inbaditzaile bat da, liztor asiarra edota Hegoafrikan jatorria duen geranio-tximeleta bezala. Landareetan, panpa-lezka da ezagunena. Azkar hedatzeko gaitasuna izaten dute gehienek, eta alarma gorria piztu zen.
Gizakiak nahi gabe edo nahita eramanda animaliek eta landareek kontinente arteko bidaiak egitea aspaldiko kontua da, XV. mendean hasi zen Esplorazio handien aroan.
Aurretik ere arazo larriak sortu izan dituzte, gogoratu Filoxera, baina orain baldintzak aldatu egin dira. Klima aldaketaren ondorioz haientzako egokiak diren baldintzak aurkitzen dituzte bertan, eta berehala egokitu eta egonkortzen dira. Hamaika ikusteko jaio gara eta hamaika ikusteko biziko gara oraindik.