Erithacus izenak beti gogorarazi dit erizain hitza. Txoria ere halakoa da, batez ere negu partean ikusten baita baso-zelaien zaindari. Eusko Jaurlaritza ere konturatu da honetaz, euskararen zaindari (erizain) ardura eman dionerako. Baina azken ikerketen arabera, gure txoria nahiko baldar omen dabil.
Euskara indartzeko bi bide daude, desberdinak baina osagarriak. Alde batetik, norbanakoak kontzientzia hartu behar du hizkuntzaren biziraupenarengan duen arduraz, eta bestetik, administrazioak politika eraginkorrak bultzatu behar ditu. Horretarako, txantxangorri biek elkarrekin egin behar dute lan, bai aspaldian edonon ikusten dugun "euskararen txantxangorria" borobilak eta baita ere behinola txantxangorriaren logoa izan zuen telebistak, logoa aldatzearekin batera euskararekiko konpromisoa erabat galdu zuenak.
