Azken asteotan notizia izan da Urumea ibaiaren bueltan ikusi duten Igaraba. Diotenez, duela 75 urte utzi zuen urtxakurrak eremu hori, eta zoriontasuna nabari da bueltan delako. Izan ere, ibai-ekosistemen suntsiketak eta ehizak Euskal Herriko igaraba gehienak desagerrarazi zituen pasa den mendean; ia galtzeraino. Beraz, animalia honen bisitak ekosistema hauek lehengoratzeko esperantzara ere gerturatu gaitu.
Bide hori, esan beharrik ez dago, oso luzerako doa. Baina, pixkanaka, gertuago dago. Izan ere, Aramaion ere ikusi dugu igaraba; bueltatu da zenbaitek zeharo mitifikatuta genuen animalia.
Hala ere, esan bezala, lan luzea dugu oraindik gure herriko ur-ekosistemak egoera on batera bideratu artean. Ekidin beharko ditugu ibai ertzeko basoen mozketak eta hondakin kutsakorren isuriak. Oro har, eman beharko diogu babes handiagoa urari.
Alabaina, gaur-gaurkoz, badugu guk ere zer ospatua.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
