Arbelen ere ez da honen pareko saguen etsairik. Ez ratiboom, ez ratizida, ez rati stop plus, ez ezer. Urubia. Baserri ororen bueltan dabil bat edo beste. Eta zenbat sagu jaten du urubi batek urtean? 2.160. Ez da broma, 2.160 sagu, lursagu, arratoi kume eta beste karraskari erdi desiratu. Batek! Eta ez du hari eskainitako jairik. Ez-du-jai-rik. Ez du egunik. Izan ere, gurean izenik ere ez du! Nola esaten zaio, bada, Aramaion urubiari? Hontza? Bai zera! Ez dut sinisten. Izan behar du izen propiorik gurean.
Buhuu egiten du hontz handiak, bu hontz txikiak, txii mozoloak, shh gautxoriak eta Uu-uu-u-uuúuuu egiten duena, nor da?
Dakienik bada, pozarren jasoko dut erantzuna.
