Bide publiko baten salmenta Zabolan, Aramaion

Erabiltzailearen aurpegia Mari Carmen Abarrategui 2021ko mai. 7a, 00:00

Bide hori 1997ko partzela-kontzentraziokoa da, eta 20 urte baino gehiago daramatza partikular batek okupatuta. Gertaera hori 2012an, 2014an eta 2015ean salatu zen Udalean, eta, erantzunik jaso ez zenez, Arartekoarengana jo zen. 2016an, Udalak jakinarazi zuen bide hori publikoa zela eta publikoa izaten jarraituko zuela. 2017an, Arartekoak bide publiko hori berreskuratzeko egindako gomendioa onartu zuen Udalak. Eta 2021ean, Udalak bide hori 20 urte baino gehiago daramaten pertsonei saltzea erabaki du.

Argi dago Udalak ez duela bere idatzizko hitza bete; dena dokumentatuta dago udaletxean. Gertaera horiek nahita ezkutatu dira bide hori saltzeko prozesuan, eta Aramaioko herriak egia jakiteko eskubidea du. Azken zortzi urteotan, bakarrik egon gara ondasun publiko horren defentsan; auzoko, Udaleko eta Aldundiko inork ez gaitu babestu. Botere abusu argi baten aurrean gaude, hau benetako jauntxokeria bat da. Onartezina da XXI. mendeko Euskal Herrian horrelako ekintzak gertatzea. Bide hori publikoa izaten jarraitzea eskatzen dugu, beti izan den bezala. Ez dadila saldu, ez dadila erosi.

----------

Mari Carmen Abarrategui

Aramaio

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak