Badira urte batzuk Herbehereetako ikastetxe batekin harremanetan jarri ginela beraiekin elkartruke bat aurrera eramateko.
Urriaren 1etik 5era bitartean Herbehereetako Warnsveld herritik etorritako 45 ikasle eta 4 irakasle egon ziren DBH4. mailako Mariaren Lagundiako ikasleen familietan eta elkarrekin hainbat ekintza egin zituzten: alkatearen harrera udaletxean, Bergara ezagutu, Laboratoriumera bisita, euskara ikasteko ikastaroa, Donostiara irteera…
Proiektuarekin jarraitzeko, Mariaren Lagundiako 44 ikasle eta 3 irakasle martxoaren 9tik 16ra bitartean Holandako Warnsveld herrian izango dira bertako familietan ostatu harturik. Bertan ere, Warnsveldeko kideekin batera hainbat ekintza egingo dituzte.
