Eskerrak eman beharrean gaude. Eskerrik asko elikagaien garestitzea bizi dugun garaiotan janaria eman duzuen herritarrei, Karnabalen bezperan laguntzera etorri zaretenoi –asko poztu gaitu gazteak laguntzera etorri izanak–, Ulma Packaging-i kartoizko kaxak emateagatik, Eroskiri janari bilketa egiteko baimena eman eta kamioia antolatzeko tokia uztearren, Eguzkigraf inprimategiari kartelak egiteagatik eta Kepa Ibabe eta Felipe Zabalari euren kamioia utzi eta hurrengo egunean, musu-truk, bildutako guztia Donostiara eramateagatik.
Zuen guztion eskuzabaltasunagatik ez balitz, ezingo ziren 7.000 kilo janari bildu. Ziur egon Sirian eskertuko dutela egindako ahalegina. Mila esker!
----------
Maria Agirre
Debagoieneko Zaporeak elkartea
Debagoiena
