"Emakumeen bizi-esperantza batez beste gizonezkoena baino 5 urte handiagoa da. Zuentzat zeintzuk dira arrazoi nagusiak?", bota diet, eta hor hasi gara, kasu partikularretatik orokortasun bat adostu nahian. Genetika ezberdintasunak, gizonek historikoki egindako asto-lanak, ohiturak... Entzun berri dudan podcast bateko datuekin aberastu nahi izan dut elkarrizketa. Mediku batek zioen gizonok gure osasun egoerari garrantzia kentzen diogula eta gaixotasunak goiz harrapatzeko probabilitateak asko jaisten direla. Medikuarengana joatea errealitatearekin ezin duela onartzea da gizon askorentzat. Eta datu bat bota dut: bikote hetero batean gizona alargun gelditu bada, bere bizi-esperantza urte batzuk jaisten da. Aldiz, emakumea bada alargundu dena, mantendu edo igo egiten da.
Feminismoak konbentzitu ez dituenentzat: maskulinitate hegemonikoak gu ere hiltzen gaitu.