Hori da albistea, eta hor egon beharko luke arreta nagusiak.
Azken adierazpenetan Oihanak azaldu du beste kirolari batzuen kasuan haien lorpenak, ibilbidea eta emaitzak azaltzen direla; bere kasuan, ordea, kazetariek bere aurkezpena egitean amaren jatorri caboverdetarra aipatzera mugatu direla askotan. Horrek desoreka argia erakusten du tratamenduan.
Oihanak ez du ukatzen bere sustraiez harro dagoenik, eta hala adierazi izan du behin baino gehiagotan. Baina jatorria ezin da izan bere aurkezpenaren ardatz bakarra, ezta bere kirol ibilbidea estaltzen duen azalpen nagusia ere. Horrek ez du gainerako kirolariekin berdintasunean jartzen.
Jatorria azpimarratzea ez da beti neutroa. Askotan, begirada desorekatuak edo aurreiritzi sotilak normalizatzen ditu. Kirolari bat, ordea, bere lanagatik eta lorpenengatik da aitortua. Eta kasu honetan, mezua argia da: txapelduna da, eta kitto.