Sare sozialek zeresan handia dute: etengabe zabaldu eta elikatzen dituzte gorrotoa eta aurreiritziak, inolako kontrolik gabe.
Migrazioarekin lotutako edozein albistek komentario arrazistak jasotzen ditu; baita futbolari gazte baten urtebetetzeak ere, Lamine Yamalen kasuan bezala. Ez da onargarria.
Gizarte gisa, ezin dugu gorroto-mezurik justifikatu eta ezta onartu ere. Adierazpen askatasunak ezin du besteen duintasuna zapaldu. Sareetan, kalean, eskolan eta komunikabideetan arrazakeriari aurre egitea ez da aukera bat, ardura eta betebehar bat baizik. Ez du denak balio. Ezinbestekoa da erakunde publikoek kontrol neurriak ezartzea.
Ezin dugu normalizatu arrazakeria, eta ezin gara haren aurrean isilik geratu ere. Gizarte gisa, erantzukizuna dugu elkarbizitza eta errespetua defendatzeko, baita sareetan ere.