Herri honetan 17 urte daramatzan gizon migratzailea naizen aldetik, esan dezaket horrelako ekintzak funtsezkoak direla elkar-ezagutza eta loturak sustatzeko. Ekitaldian etorri berrien integrazioaren alde borondatea erakusten duten erakunde desberdinek hartu genuen parte.
Hala ere, faltan igartzen dut beste herrialde batzuetatik Bergarara iristen direnen errealitateari buruzko hausnarketa. Kultura- eta hizkuntza-integrazioa funtsezkoa den arren, askotan, migratzaileei egokitzeko eskatzen zaie, beraien testuinguruak, zailtasunak eta beharrak ulertzeko ahalegin bera eskaini gabe. Horregatik, ongietorri-ekintzez gain, funtsezkoa da herritar guztiek migratzaileek dituzten erronkez jabetzea, eta kolektiboki borrokatzea aukera-berdintasunaren alde eta gizarte bidezkoago eta inklusiboago baten alde. Horrela bakarrik lortuko dugu benetako integrazioa.
