Hala ere, gaurkoan ez natorkizue sare sozialen aurkako diskurtso batekin, uste baitut hipokrita izango litzatekeela, ni ere horien erabiltzaile bainaiz.
Hala ere, sare sozialen erabileraren eta edukien inguruko hausnarketa egin beharra dagoela uste dut, indarkeria asko izaten baita eremu digitalean –irain matxistak, xantaia, baimendu gabeko sexting-a, grooming-a…–. Gainera, zuzeneko indarkeria pairatzeaz gain, kontsumitzen ditugun edukiak ere arriskutsuak izan daitezke, gure autoestimuan eta autopertzepzioan eragin negatiboa izan dezaketelako, besteak beste.
Gutako bakoitzak sare sozialen erabileraren inguruko hausnarketa egin eta aldaketak egin behar ditugu, norberarentzat eta gainontzekoentzat espazio seguruak sortzeko. Eta zuk nola erabiltzen dituzu sare sozialak?