Beste behin, eskerrik asko herriko komertzio eta enpresei!

Erabiltzailearen aurpegia

Gutun honen bidez, eskerrak eman nahi dizkizuegu Antzuolako merkatari, dendari eta bestelako enpresari guztiei Ez dot moztuko bizarra mugimenduko kideok.

Beste behin, urte amaierako egun berezi hauetan, presoen egoerarekiko azaldu duzuen sentsibilitatea eta elkartasuna goraipatzekoa izan da; kandelak ipini dituzue erakusleiho zein tabernako barran, aportazioak egin dituzue, herriko ekimenetan zuzenean parte hartu duzue… Benetan, eskerrik asko! Ziur gaude keinu horiek ziegetaraino ere heldu direla.

Elkartasun uholdea itsasoan galduta indargabetu ez dadin, orain, herritar guztiei bezala, urtarrilaren 14ko manifestaziora joateko deia luzatzen dizuegu. Antzuolarrok ere salatzen dugu! 

Euskal presoak Euskal Herrira!

----------

Maialen Guridi 

'Ez dot moztuko bizarra' mugimenduko kidea

Antzuola

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.