Ezustean, beste gerra bat piztu da. Oraingo hau gertuago, Ukrainan. Entzuten ari gara handik ihesi doazen edo han geratu direnen testigantza gordinak. Gordelekutik ateratzean bidalitako whatsapp mezu laburrak. Eta barruraino sartzen zaizkigu, bereziki euskaraz kontatutakoak baitira batzuk. Chernobil elkartearen bidez udaz uda gurera etorritako gazteen kontakizunak dira.
Orain, udaberria ate joka den honetan, horietako batzuk Euskal Herrira datoz berriro. Baina jaioterrira itzulera noiz izango den jakin barik. Txernobylgo umeak errefuxiatu datoz. Batzuk, gainera, familiartekoez lagunduta.
Debagoienean bada esperientzia errefuxiatuei harrera egiten. 1992an, Bosniako gerran, hainbat boluntariok aterpea antolatu zuten Eskoriatzako San Viator etxea zenean. 19 lagun etorri ziren, familian edo bakarka. Ikasi, lana bilatu, lagunak egin, eta bizitza berri bat hasi zuten. 1996tik aurrera, gerra amaitutakoan, apurka-apurka batzuk Bosniara bueltatu ziren, eta beste batzuek hemen geratzea erabaki zuten. Urrutira joan gabe, Oñatiko Larraña aterpetxean errefuxiatu eta etorkinekin egiten ari diren lana ere gertu dugu. Bada nora begiratu, bada nor lagundu.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
