Bat, Mugi eta Barik

Erabiltzailearen aurpegia

Gaur egun, kotxea luxuzko artikulua dela esan dezakegu, ez bakarrik honek duen balioagatik edota dakarren mantentze kostuagatik, baita ere mundu honetan bizi garen gizaki guztiok ezin dugulako kotxe partikular bat eduki, munduak ez baitu hainbesteraino ematen.

Gainera, kontaminazioa jasanezina bilakatuko litzateke. Beraz, garraio garbiagoak bilatzearen eta sortzearen alde, gizarte honetan garraio publikoa bultzatzea ezinbestekoa dela deritzot.

Alde batetik, garraio publikoak, munduarekiko onuragarria izateaz gain, gizarteari laguntzen dio jarrera bakartiak uxatuz taldean integratzera, eta gizakion arteko komunikazioari ere aukera gehiago ematen dizkio.

Bestetik, konpartitzen ere irakasten digu, eta gurea soilik ez dena zaintzera bultzatzen gaitu.

Horregatik, Euskal Autonomia Erkidegoko garraio publikoa indartzeko asmoz, hiru probintziek dituzten txartel ezberdinak bateratzeko ideia bultzatu nahi dut, honen erabilera erosoagoa eta errazagoa izan dadin.

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.