Gauza da zenbait ikaslek egindako lekukotasunak atera dituztela argitara, eta oso bortitzak direla gehienak. Batez ere bortizkeria maila horrek deitu du nire atentzioa. Aitortzen dut, ezjakintasunetik dihardut. Ez dut sekula horrelakorik ez pairatu ez ikusi. Zorionez. Baina ezin dut ulertu.
Lehenengo eta behin, taldeak hasiberria umiliazio maila horretara behartzeko duen grina, eta bestetik, zenbait hasiberrik ustea taldean onartua izateko ordainleku horretatik pasa beharra dagoela. Talde batzuetan, nire ustez, hobe ez sartzea. Baina, itxuraz, kontua ez da hain xinplea.