Honek guztiak dakarren antolakuntza eta lana handia da, eta, horregatik, idatzi honen bitartez, urte hauetan egindako lan guztia eskertu nahi diegu Aretxabaletako kirol elkarteko kideei.
Batez ere, zuei, Agurtzane, Nerea eta Oihana, eskerrik asko!
Eskerrik asko egiten duzuen lan guztiagatik, guri, parte hartzaileoi, kirol hau ezagutzeko aukera emateagatik, frontoian hotzez pasatako ordu guztiengatik, emakumeen kirola sustatzeko egiten duzuen lanagatik eta Aretxabaletako frontoia kolore morez janzteagatik! Dagoeneko zazpi urte pasa dira lehen txapelketatik, eta gehiago izan daitezela! Etorkizuneko emakumeek ere frontoian elkartzeko aukera izan dezaten!
Bihotz-bihotzez, Aretxabaletako fronteniszaleen partetik.
----------
Lierni Zangitu
Aretxabaleta
