Bigarren lasterketa, junior mailakoan, Ziortza Heredia izan zen Igamoko ordezkaria. Araiarrak, 74 kilometroko ibilbidea izan zuen, Aldoiatik bitan eta azken kilometroetan, Oletako gaina gainditu behar zutelarik. Lasterketako aldapa eta momentu garrantzitsuenetan, onenekin batera ibili zen, bukaeran baina, arazo fisiko batzuk tarteko, tropel nagusian helmugaratzea lortu zuen. Hala ere, egindako lanak, Arabako challangeko lidertza orokorra lortzeko balio izan dio; era berean, lehen urteko jubenilen artean ere, liderra da Lokatzako txirrindularia.
Igandean emakumeen txirrindularitza
Igandean aldiz, Lokatzak eta Bergarako udalak elkarlanean, bi irteera antolatu zituen emakumeentzat. Goizean, nagusientzat antolatutako ibilbiderako, 12 emakume elkartu ziren. Dinamika berriak eta harreman sozialak indartzeko asmoarekin egiten diren irteera hauek, harrera ona izaten ari dira. Guztientzat egindako erritmo eta ibilbideekin. Taldea gero eta handiagoa delarik.
Arratsaldean aldiz, neskatilentzako txanda izan zen. Ekaitzak baldintzatutako egunean, 13 eta 14 urte bitarteko hamar neskatila elkartu ziren. Bidegorritik egindako ibilbideari, elkarren arteko jolasak eta harremanak sendotzea ekarri zuen.