Kadete mailan 33 kilometroko ibilbidean, Izar Ezkibel 69., Aroa Saez 75., Ziortza Heredia 88. eta Maddi Oleaga 101. sailkatu dira hurrez hurren, ia 160 parte hartzaile izan dituen lasterketan. Hainbat erorketa izan dituzte Igamoko ordezkariek eta sailkapen hobea lortzea ekidin du.
Ondoren, jubenilen txanda izan da 60 Km ibilbidea burutzeko eta bertan Edurne Ormaetxeak, tropel nagusian sailkatzea lortu du 30. postuan, azken kilometroan erorikoak medio, postua asko galdu eta amorratuta, ezin izan duelako esprinta burutu.
Bukatzeko, open mailako lasterketan, Itxaso Plaza izan da lehiatzen 87 Km burutzeko, kategorian lehen urtea duen arrasatearrak eta 180 parte hartzaile izan duen lasterketa gogorrean, 51. postua lortu du soilik, 60 txirrindulari helmugaratu diren lasterketan. Tartean UCI mailako txirrindulariak egon badira ere, Plazak, euritea gainditu du.
