Txirrindularitzak ordu asko eskatzen dituen kirola da eta horregatik, udazken eta neguko entrenamenduak, oinarri oso garrantzitsuak dira ondoren, udaberrian eta udan, emaitzak lortu nahi badira. Bada, Bolintxo Okindegia-Lana E. Koop taldeko mutilek eta Igamo Packaging taldeko neskek, argi dute bidea eta horregatik, hasi dira prestaketa fisioarekin.
Denboraldi-aurre honetan, lehendabizi, zeharkako kirolak praktikatzea da helburua. Urtean zehar egiten ez diren ariketa eta kirolak. Astean zehar, gimnasioa, antxintxika, igeriketa... eta asteburuetan aldiz, mendi itzuliak, mendi bizikleta eta noski, errepideko bizikleta ere hartzeko aprobetxatzen da. Poliki-poliki, errepidean kilometroak batzen joan behar dute gazteek, martxoan hasiko dituzten lasterketetan lehiakor egon ahal izateko.
2024rako Bolintxo-Lana taldean, 9 txirrindulari arituko dira, iaz baino 3 txirrindulari gehiago izango ditu Lokatzako kadete mutilen taldeak. Igamo Packingek ere, kopurua handituko du eta iaz 9 emakume izan baziren ere, 2024rako, 11 txirrindulari izango ditu taldeak.
