Beldurra eta pena

Erabiltzailearen aurpegia Lukene Igartua 2019ko urr. 6a, 00:00

Bi hitz horiek erabili zituen aurrekoan mutiko batek Trautiren eskoletako konzienziazio hitzaldi batean. Elbarritasunaren egunerokoak hizpide genituela, berak azaldu zigun irteera batean ASPACEko haur batzuekin elkartu zirela eta berak beldurra eta pena sentitu zuela. Sentitzen duguna isilarazten saiatzen gara helduak askotan, eta ez dugu Jonek izan zuen ausardiarik gure sentipenak ozenki onartzeko. Ezagutzen ez dugunari beldurra ohi diogu, eta ezintasun ugariekin ikusten dugun haur batek pena ematea, ez al da naturala?

Bada, guztiz naturalak diren sentimendu horiek aldatzeko, ikuspuntua aldatu behar dugu: ezezaguna ezagun bihurtu eta ezintasunean erreparatu beharrean, haur horiek egin ahal dutena baloratu eta ekiten lagundu. Esaterako, Sevillako Carros de Fuego elkartean aniztasun funtzionala duten haurrekin lasterketak egiten dituzte eta bertako kide batek astean aitortu zigun lehen lasterketa egin zutenean "qué pena" eta "pobres chicos" entzuten zutela. Orain, hainbat atxintxikaldi ondoren, haur bakoitza bere izenez animatzen dute Sevilla aldean.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak