Halaber, EAJ-PNVtik, lerro hauen bidez, gure alderdikidea, 1995-1999 artean EAJko hautagaia eta 1999-2003 artean Oñatiko EAJren Udal Gobernuko kide ere izan zena, oroitu nahi genuke, baita Oñati hobe baten alde berak egindako ekarpena eta lana gogora ekarri ere.
Gaztetatik izan zen Iker alderdikide eta gaztetatik egin zuen lan, beraz, Oñatiren eta oñatiarren alde. Euskara eta Hezkuntzako batzordeburua izan zen 1999-2003 artean EAJk gidatu zuen Udal Gobernuan. Bere zuzendaritzapean jarri zen martxan lehen aldiz Oñatiko ikastetxeei diru laguntzak emateko ordenantza eta berak bultzatuta kontratatu zen hezkuntza arloa kudeatzeko lehen udal teknikaria.
Era berean, aisialdi eta kiroletako begiraleei euskaraz jakitea oinarrizko baldintza gisa ezartzea lortu zuen eta etorkinen Bertakotze Programaren oinarriak finkatu zituen. Gaur egun, guztiek jarraitzen dute oraindik indarrean.
Horrez gain, Ogasuna, Kirola eta Gaztedia batzordeko kide izan zen Iker.
Gaztelekuko kontseiluan parte hartu zuen eta bera kide zen garaian osatu zen arlo honetako lehen parte-hartze kontseilua.
Horrenbestez, EAEn Oñatiko eredua, Ikerrek EAJko kide gisa landutakoa, hain zuzen, izan da parte-hartze horren aitzindaria.
Gainera, Ur-Jauziak eta Oñatiko Etxegintza udal enpresa publikoen kontseilukide gisa ere aritu zen lanean.
Kargu horien guztien bitartez Ikerrek beti egin zuen Oñatiren eta oñatiarren interesen alde lan eta ezinbestekoa izan zaigu bere ekarpena aitortu eta eskerrak ematea.
Herri honen alde egin duzun guztiagatik.
Eskerrik asko, Iker.
----------
Lourdes idoiaga
Oñatiko EAJ-PNVko Udal Taldea
Oñati
