... gure ilusioari eusteko indarra erakutsi genuen joan zen zapatuan. Tantaz tanta, erreka berde erraldoi alaiaz busti genuen Aretxabaleta.
Horregatik, egun borobil hori aurrera eramaten lagundu zenuten guztiei, banan-banan, eskerrak ematea ezinezkoa zaigunez, lerro hauen bitartez: batukadako parte hartzaileei; trikitilari, hanka-palo, erraldoi eta buruhandiei; frontoia prestatzen eta jasotzen ibili zinetenei; Gurabarri guraso elkartekoei; Karaokean parte hartu zenutenei; 6. mailako ikasleei eta beste hainbat ekintzatan lanean aritu zineten guztiei, eskerrik asko, bihotz-bihotzez.
Badakigu gurasoen, ikasleen eta irakasleen arteko elkarlana kalitatezko hezkuntzaren giltza dela. Eta, horren eredu garela erakutsi genuelako, aurrerantzean ere, bide horretan Bihotzez ikasi lelopean egin dezagun aurrera!
--------------------
Leire Gorostiza eta Miren Berecibar
(Kurtzebarri eskolako ekintza batzordea)
Aretxabaleta