Zeinek bai eta zeinek ez

Erabiltzailearen aurpegia

Euskalkia erabiltzeko legitimazioa aitortuko zion orriaren bila abiatu zen Anttoni udaletxera goiz batean. Eskaera orria bete zuen laukiak urdinduz, boligrafoz. Erantzun osoak idatzi zituen haren kaligrafia ederrenean. Esango nuke, inoiz ikusi izan den idazkerarik politenean. Erantzun zituen Linguae Vasconum Primitiae, Obabakoak eta Haritza. Baita izendatu ere Aramaioko auzo guztiak. Haren Elizondo, Plazaola eta beste hamaikak zerrendatuta, baserria ere aipatu zuen. Izan ere, Anttoni Aramaioko baserri batean hazi zen, etxeko euskaraz hezita

Egunonak ematen zizkion okinari euskaraz, eta ez zen gai zenbakien ordena beste hizkuntza batean esateko. Baina herritarrek zerbait ezberdina sumatzen zuten haren hizkeran –edo hori uste zuen Anttonik–. Ez zen etxekoa, leunagoa baizik, "batuagoa".

Horregatik, udaletxean euskalkia erabiltzeko baimena ezeztatu ziotenean orria apurtu zuen, etzauelako biher iñobezen permisoik gure zauen moruen berba itxeko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.