Aitortuko dut

Erabiltzailearen aurpegia

Euskara batuan idazten dut, nire euskalkian ez dakidalako. Listo. Bota dut. Baina egia da. Ez gaizki ulertu, agendaz eta telefonoaz aparte ari naiz. "Edozein euskalki idatzi daiteke, baina ondo egiten bada", esan zidaten behin, eta horrela agurtu nituen ideia iraultzaileak eta bueltatu nintzen estandarrera. Gogoko ditut hizkuntzetan arauak, itsasoa ts-rekin idatzita ikusita disfrutatzen dut, eta ereserki hitzak ez du hatxerik –hatxe hitza erabili dut gaur nire bizitzan lehenengoz–; leun-ek ere ez.

Egia esaten jarraitzeko, esango dut plazera ematen didala hitz bat zuzentzeak, esaldiak ordenatzeak, boligrafo gorria gastatzeak. Emadazu irakasleak astearterako eskatu duen idazlana eta datorren astekoa ere zuzentzen uzteko eskatuko dizut. Baina martitzenekoa, hori ez, "estakitxetelako"; banatuta? "Ez dakitxetelako"; aber, beste modu baten, "estakitx ta"; misto? "Ez dakitx ta". Animo, baliente.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.