Besaulkia lekuz aldatu nahi eta ezin. Egunerokoan haien inportantzia deuseztatzen dugu, baina beharbeharrezkoak ditugu arauak. Gure arbasoek sortu eta guk ikasi, azterketarako galderak balira bezala, buruz, pilotu automatikoa jarrita izango bagenu bezala. Hain daude errotuta gure gizartean, non arauen zergatiak, hauek ez betez gero izan ditzakegun zigorrekin nahasten baititugu: "Onartutako abiadura gainditu duzu", eta erantzuna, "lasai motel, radarrak %7ko errore marjina du". "Ez dut etxe abandonatura sartu nahi", eta hark, "ez gaitu inork ikusiko".
Badirudi istripu posible batek edo pribatutasunaren errespetuak ez gaituela kezkatzen, baizik eta geure askatasun partikularrak. Deitu arau, lege, debeku edo obligazio. Deitu esku-burdin, askatasunaren aurkako krimen edota esklabotza, betiere oso sinplea baita premisa: zutoinak kendu, eraikina lurrera. Ondorioa? Hondamendia.
