Larunbat honetan, maiatzak 30ean, Leintz Eskola kirolak agur esango dio ikasturteari. Urtero bezala, azken festarekin boroblduko dugu ikasturtea eta Aretxabaletan elkartuko gara merezitako agurra emateko. Ekintza ezberdinak egingo ditugu goizean zehar eta amaieran agur ekitaldia egingo dugu. Izen ematea astelehenean zabaldu genuen eta bihar izango da apuntatzeko azken eguna. Larunbatean, goizeko 10:00etan Aretxabaletako herriko plazan elkartuko gara eta 13:00 aldera amaitzea aurreikusten dugu. Leintz eskola kiroleko ikasturteari agur polit bat ematera animatzen zaituztegu!
"12 ikastetxe 12 tontor " ekimenaren 6. edizioa ere bere bukaerara heltzen ari da eta dakizuen bezala, maiatzak 30a izango da argazkiak igotzeko azken eguna. Beraz, tontorren bat falta zazizuenei, badaukazue egun hauetarako plana!