Espero dugu ihauteriak primeran pasatu izana. Aste honetako zubiaren ondoren, bueltan dira LEKeko asteburuetako ekintzak. LH 3-4. mailako ikasleek saskibaloiko azken jardunaldia izango dute, LH 5-6. mailakoek futboleko fase finala jokatuko dute, LEKE kirol egokituko ikasleak arku tiraketan trebatuko dira, Axtroki arku tiro elkartearekin elkarlanean eta eskubaloiko neska infantilak Bergararen aurka neurtuko dituzte indarrak. Hemen dituzu ekintza guztien kartelak: LH 3-4 SASKIBALOIA, LH 5-6 FUTBOL TXAPELKETA, LEKE ARKU TIRAKETA eta ESKUBALOI NESKA INFANTILAK.
12 ikastetxe 12 tontor ekimenak aurrera darrai. Astetik astera, bai parte hartze kopurua eta tontor kopurua ere igotzen ari dira eta oso pozik gaude ekimenak jaso duen erantzunarekin .Ekimenean parte hartzen ari diren guztien artean iadanik 700 tontorreko langa pasatu dute. Hemen ikusi dezakezue argazkiak.
Datorren astelehenean, martxoak 7an, LEKeko batzar nagusia ospatuko da Eskoriatzako Zaldibar aretoan arratsaldeko 18:00etan.
Espero dugu zuen seme-alabak eskola kirolaz gozatzen ibiltzea eta hemendik aurrera ere horrela izatea. GOZATU!
KIROLAZ HEZI, KIROLAZ HAZI, OSASUNA IRABAZI!
Artikulu interesgarria: “Haurren eta gazteen aurkako sexu-indarkeria kiroletan”
