Kuku Miku Elkarteak antolatzen duen guraso-eskolak datorren ikasturtean ere jarraitzeko asmoa du eta irailera bitartean izena emateko epea zabaldu dute. Komunikazio ez bortitzean aditua den Nerea Mendizabal psikopedagogo eta gizarte hezitzaileak gidatzen ditu saioak, hilean behin, ostegunetan, 17:45etatik 19:45etara.
Eskolaren helburu nagusia da gurasotasunaren inguruan egunerokoan sortzen diren zalantzak, galderak, gatazkak, ezinak edota zailtasunak partekatzeko gune babestu bat eskaintzea eta gurasoak euren seme-alaben hazierarako begirada, baliabide eta ezagutza berriez janztea. Askotariko gaiak landu ohi dira horretarako, gurasoen kezketatik abiatuta, eta saioak praktikoak eta dinamikoak izaten dira. Gehienez ere hamabost laguneko taldea osatu nahi dute.
Izena emateko edo informazio gehiago eskuratzeko 625 42 31 25 telefonora deitu edota kukumikuelkartea@gmail.com helbidera idatz daiteke.