Haurren larrialdietarako lehen sorospenen inguruko solasaldia Kukumikun

Arrasateko ospitaleko larrialdi-zerbitzuetan lan egiten duten Iñaki Agiriano eta Inma Escribano etorriko dira Kukumikura otsailaren 18an, astelehena, arratsaldeko 17:30ean. Helburua izango da 0-6 urte bitarteko haurrak dituzten gurasoen zalantzak argitzea, haurrak gaixo daudenean nola artatu jakin dezaten. Bihotz-birikak berpizteko maniobra egiteko panpina ere ekarriko dute, bertaratutakoek ikus eta proba dezaten. Solasaldia doakoa eta irekia izango da, Kukumikuko bazkide zein ez bazkideentzat.