#lekaitxoka ARGAZKI LEHIAKETAK BADU IRABAZLEA

Erabiltzailearen aurpegia Kilometroak 2017 Oñati 2017ko urtarrilaren 27a

Gabon aurretik abiatu genuen #lekaitxoka argazki lehiaketa. Aurtengo Kilometroak jaiaren LEKAIXOKA! leloa eta txokolatea uztartu dituen lehiaketa honetan hilabete luzez argazkiak jaso eta jaso ibili gara. Mendian, lagunartean, etxeko giro goxoan... Askotariko irudiak jaso ditugu eta gure epaimahaiak lan zaila izan du irudi bat aukeratzeko.

Metroz metro Kilometroak auzolanean egiten ari garela kontutan hartuta, eta epaimahaikideek azken erabakia hartzeko zituzten zailtasunak zituztelako ikusita, lehiaketako irabazlea auzolanean aukeratzeko aukera zabaldu genuen. Horrela bada, epaimahaiak hiru argazki aukeratu zituen eta Kilometroetako sare ofizialen bitartez hiru horiei botoa emateko aukera zabaldu zen pasa den astean.

Txantxiku Ikastolako DBH 3B gelakoek bidalitako ELKARREKIN LEKAITXOKA izeneko argazkiak jaso zituen aldeko boto gehien eta beraiek izan dira Txokolateixako saskia eskuratu dutenak.

ESKERRIK ASKO argazkiak bidali dituzuen guztiei eta zorionak aukeratuak izan zaretenoi!

Oñati

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.


Harpidetza aukera guztiak