Nerabe zela hasi zen langile borrokan, eta bizitza osoa eman zuen komunismoaren alde, tinko. 1934ko iraultzaren buruetako bat izan zen herrian eta 1936ko gerran Eusko Gudarostean nahiz Asturiasen komandante izan zen. Handik ozta-ozta Kataluniara igaro zen, Ebron 123. Brigadako buru izateko. Gerra galduta, Gürseko kontzentrazio-esparruko euskaldunen arduraduna izan zen eta, naziak iristear zirela, Txilera joan zen, Pablo Nerudak lagunduta. Atlantikoan gerraontzi aleman batek eraso zien, baina Txilera heltzea lortu zuen. 1944an, baina, itzultzea erabaki zuen, Alderdi Komunistaren erresistentziara batzeko, sasian. Gerrillak nahiz masa borroka antolatzen zebilela, atxilotu eta 40 egunez torturatu zuten. Martutenen heriotza-zigorraren zain zegoela, ihes egin zuen eta Alderdi Komunistaren erbesteko egituretan jardun zuen.
Latza, ezta? Bada, antifaxista nekaezin haren bizitza sakonago ezagutzeko aukera izango dugu urriaren 18an, 17:30ean, Kulturaten, Juan Ramon Garairekin. Animatu!
