Lehengaien agortzeak, ideologia erreakzionarioek, bloke kapitalisten arteko lehiak… gerra haizeak harrotu dituzte planetan zehar. Europar Batasuna sekulako eskalada militaristan murgildu da –armamentu nuklearraren espantsio planak barne–, ezkerreko nahiz eskuineko gobernuek bultzatuta.
Ekialde Hurbilean gure blokeak elikatzen duen genozidio bat martxan dago, Afrikako herrialdeak uztarri kolonial zaharrak gainetik kentzen ari dira eta Asian ere tentsioen gorakadak ez du etenik, inperio estatubatuarraren gainbeheraren lekuko.
Eta zer egin dezakegu guk, euskal herritarrok, langileok, halako munstroen aurrean? Bakarka, ezer gutxi. Baina gerra inperialisten aurrean posizionamendu ausartak hartzen dituzten antolakundeak babestu ditzakegu, euren mobilizazioetara joan. Antolatu eta presionatu. Adi, bada, mobilizazioei!
