Egunero hildakoak sufritzen dituzte palestinarrek, egunero jasan behar dute euren lurren eta iturburuen lapurreta, egunero husten dituzte palestinarren etxeak kolono juduei emateko, egunero zabaltzen dituzte NBEk mila bider gaitzetsitako asentamenduak palestinarren lurraldean, egunero umiliatzen dituzte soldadu eta polizia sionistek, egunero jasan behar dute herritartasun barik bizitzea okupaziopean. Israeldar kartzelak milaka preso politikoz beteta daude, tartean ehunka adin txikiko, helduak balira bezala epaituak tribunal militarretan, eta inguruko herrialdeetan milioika palestinar bizi dira errefuxiatu kanpalekuetan.
Europa burgesak isilik dirau 75 urtez luzatu den basakeria horren aurrean, baina asaldatu egiten da miliziak Gazatik irten eta behingoz eraso bat egin dutenean. Gauza bakarra dago esateko: Gora palestinarren borroka eta boikota Israeli.
